සර්වාගමික නායකයින් බංග්ලාදේශ් මහ කොමසාරිස් කාර්යාලයට සංදේශයක් බාර දෙයි
Posted on Friday, October 5, 2012 and filed under news . You can follow any responses to this entry through the RSS 2.0 . You can leave a response or trackback to this entry from your site
මහජන සම්බන්ධතා හා මහජන කටයුතු අමාත්‍ය ආචාර්ය මර්වින් සිල්වා මහතා සමඟ ජාතික සමඟිය සඳහා වූ සර්වාගමික සංවිධානයේ සබරගමුව විශ්වවිද්‍යාලයේ කුලපති මහාචාර්ය කුඹුරුගමුවේ වජිර හිමි, සෙයිසද්දි හසන් මවුලානා මවුලවිතුමා සහ බ්‍රහ්ම ශ්‍රී රාමචන්ද්‍ර කුරුක්කල් බාබු ෂර්මාතුමා ඇතුළු ස්වාමීන් වහන්සේලා 148 නමක් සමඟ හින්දු හා ඉස්ලාම් ආගමික පූජකවරු රැසක් සාමකාමී ව මහකොමසාරිස් කාර්යාලය වෙත පැමිණ මේ සංදේශය භාර දී තිබේ.
ඉන්පසු ව පැවති මාධ්‍ය හමුවක දී අමාත්‍යවරයා පවසා ඇත්තේ බංගලිදේශය අප රට සමඟ ඉතා ම හිතවත් රටක් වන බවත් මෙවැනි විනාශකාරී සිදුවීම්වලට එරෙහිව වරදකරුවන්ට නීතිමය වශයෙන් කටයුතු කළ යුතු බවයි.
මේ අතර අද බොදු බල සේනා සංවිධානයේ ගලගොඩඅත්තේ ඥානසාර හිමියන් ප්‍රමූඛ මහා සංඝරත්නය ඇතුළු පිරිසක් මේ කාරණය සම්බන්ධයෙන් විරෝධය පළ කරමින් බංග්ලාදේශ් මහ කොමසාරිස් කාර්යාලය ඉදිරිපිටට පාගමනින් පැමිණ උද්ඝෝෂණයක් පවත්වද්දී එම පිරිස අතරින් සිදුකළ ගල් ප්‍රහාරයක් නිසා මහ කොමසාරිස් කාර්යාලයේ දෙවන මහලේ වීදුරු බිඳීගොස් තිබේ.
කිසියම් පුද්ගලයෙකු හෙල්මටයක් තුළ ගඩොල් බාගයක් දමා ගෙන පැමිණ මේ ප්‍රහාරය කළ බවට දැනගන්නට ලැබී ඇතැයි ගලගොඩඅත්තේ ඥානසාර හිමියන් පැවසූ අතර පොලිසිය මේ සම්බන්ධයෙන් සැකපිට පුද්ගලයෙකු අත්අඩංගුවට ගෙන තිබේ.
Source:- http://sinhalaya.com
0 Responses for “ සර්වාගමික නායකයින් බංග්ලාදේශ් මහ කොමසාරිස් කාර්යාලයට සංදේශයක් බාර දෙයි ”
Leave a Reply
Marketplace
